Saltar ao contido
Feira da Sostibilidade
Alumnas explicando o seu stand na Feira

FeiraLab · Xeración Eco-Étika

Máis ca unha feira. Un laboratorio permanente.

A Feira é o momento no que meses de investigación, acción e construción colectiva de cidadanía crítica se fan visibles para toda a comunidade. Detrás hai un laboratorio de innovación educativa que traballa durante todo o curso.

A Feira como laboratorio

Cada Feira é tamén unha pregunta de investigación.

A Feira e todo o que leva ata ela —a formación do profesorado, as investigacións do alumnado, os foros e as conferencias— funcionan tamén como un laboratorio: un espazo para estudar, coa comunidade educativa e co acompañamento da Universidade de Vigo, como avanzar fronte aos retos ecosociais.

Mentres o alumnado investiga e actúa, observamos que funciona, que dificultades aparecen e que aprendizaxes se poden levar a outros centros.

Alumnado presentando os resultados da investigación cidadá

Que investigamos

Do consumo de alimentos á cidadanía global.

  1. 2025 – 2026

    Que comemos nos fogares de Pontevedra e que pegada climática deixa?

    Un estudo de ciencia cidadá sobre os patróns de consumo de alimentos, feito polo alumnado do IES Luís Seoane coa Universidade de Vigo e CIDEL Galicia. O alumnado recolleu enquisas en distintas zonas do concello para estimar as emisións asociadas e presentou os resultados no I Foro de Desenvolvemento Local, onde traballou con persoas do comité cidadán do clima en propostas de acción para Pontevedra. O aprendido serviu de base para deseñar SENDA 2030.

  2. 2026 – 2027 · SENDA 2030 Estamos aquí

    Como pode a ciencia cidadá contribuír á educación para o desenvolvemento e a cidadanía global?

    Unha investigación acompaña todo o camiño cara á V Feira: cuestionarios ao alumnado ao comezo e ao final do curso, rexistro das actividades e valoracións do alumnado e do profesorado. O resultado será un informe aberto, con aprendizaxes e recomendacións prácticas para os centros educativos.

Como traballamos

Tres metodoloxías que se retroalimentan.

  • ABP · Aprendizaxe Baseada en Proxectos

    Investigar para comprender

    O alumnado deseña e executa proxectos de investigación interdisciplinar sobre retos da Axenda 2030, conectando saberes científicos, sociais e artísticos.

  • ApS · Aprendizaxe Servizo · CIDEL Galicia

    Actuar para transformar

    O eixo que une aprendizaxe e acción comunitaria: o alumnado pon o seu coñecemento ao servizo da comunidade, con rede internacional con colectivos de Galicia e América Latina.

  • CC · Ciencia cidadá · Post-Growth Innovation Lab

    Investigar con rigor e impacto real

    Co acompañamento científico da Universidade de Vigo, o alumnado convértese en investigador activo e conecta o local —o barrio de Monte Porreiro— co global.

Liñas de traballo

Proxectos que moven o mundo.

O alumnado investiga en liñas temáticas conectadas cos ODS que se desenvolven ao longo do curso e culminan na Feira.

  • ODS 7 · ODS 13

    Clima, enerxía e transición ecolóxica

    Cambio climático, consumo enerxético e transición xusta: datos reais, alternativas e comunicación á comunidade.

  • ODS 12

    Consumo responsable e moda sostible

    O impacto da fast fashion e do consumismo, xogos educativos como Naturpoly e obradoiros de economía circular.

  • ODS 10 · ODS 16

    Xustiza global e cooperación internacional

    Dereitos humanos, desigualdade e solidariedade internacional, en colaboración con Oxfam Intermón e SIG Comercio Xusto.

  • ODS 5

    Igualdade de xénero e diversidade

    Investigación e acción sobre fendas de xénero, diversidade e inclusión, co proxecto NeoFem e o Comité UNESCO do centro.

  • ODS 11

    Territorio, barrio e identidade local

    Monte Porreiro como laboratorio social: mapeo comunitario e axendas políticas locais.

  • ODS 2 · ODS 3

    Saúde, benestar e alimentación sostible

    Alimentación ecolóxica, hortas escolares, saúde mental e benestar, con entidades como Casa Grande de Xanceda e Feitoria Verde.

Recoñecementos

Premios autonómicos de innovación educativa.

  1. 2022 · 2023

    Premio Galicons-net de Innovación Educativa en Consumo Responsable (Xunta de Galicia)

  2. 2024

    III Premio Galego de Educación para o Desenvolvemento e a Cidadanía Global, á experiencia de Eco-Étika e o IES Luís Seoane

Queres traer o laboratorio ao teu centro?

Escríbenos e contamos como participar na próxima Feira.

Participa